شباب مستقبل مصر

لو جينا نتكلم عن الشباب المصري هنقول ايه ؟
هنقول انه شباب جاهل وهايف,هتلاقي كلامه كله ايه؟

انزل الشارع واسمع بودانك وانت تعرف
نزلت
ها لقيت ايه؟
لقيت.... هتلاقي الواد من دول واقف و مسقط البنطلون ولابس تيشيرت ممكن اي بنت تلبسه ولونه روز وفيه خرز ومجلجل شعره بجل ولابس سلسله وحاطت ريحه بناتي بس جامده اوي ولابس كتشي وساعه وماسك موبايل واول ما يجيله تليفون هتسمعه وهو بيكلم سوسو وبوسي ....
واول ما تيجي تكلمه تلاقي صوته مايع وبيسهوك ولما تجر معاه حوار وتساله اساله عامه عن اي حاجه هتلاقيه بيتهرب منك عشان دماغه فاضيه ولو سالته عن السياسه هيقولك اه عارفها مش اللي هي السياسه اللي انا بسايس فيها ماما وبابا عشان اخرج والهف منهم الفلوس وتلاقيه في وشه ضحكة الفيلسوف وهو اصلا
حمار كبير..
وبعد كده تلاقيه بيقولك تعرف الكتشي اللي انا لبسه ده توكيل
بابي جايبهولي
والساعه دي بالف جنيه
بابي برده اللي جايبهولي
ويقو م ماسك موبايلك ويقولك ايه ده
ده انا معايا حتة موبايل ويقوم يكر كل انوا ع الموبايلات وامكانيتهم ولما تيجي تساله عن حال بلدك عن ايه اكتر كاتب بتقراله وبتحبه هيقولك شعبولا
وبتحب حكم السادات ولا عبد الناصر هيقولك اي حاجه متفرقش الاتنين واحد في كل حاجه
ولو سالته انت نفسك تطلع ايه هيقولك يا عم انا كلها كم سنه وبابي هيعينيي عنده في الشركه
واهو ده نموذج من نماذج شباب المستقبل الباهر
انتوا اكيد هتقولوا انا بكلم ازاي وهتقولوا في شباب مثقفين ودماغهم عاليه والكلام ده كله بس يا خساره بيروحوا في الرجلين مع حوش اليومين دول ولو ظهروا هيظهروا واحد من مليون
وهو ده اخرة مامي وبابي ومرة يوماتي وشرابي والكتشي كلهم توكيلاتي
عشان كده احنا لازم نوعي ابنائنا ونخلي القرايه والثقافه ركن اساسي في حياتهم اليوميه ولو مبيحبوش القرايه خليهم يسمعوا للاخبار اليوميه ده كفايه اوي للحياة اليوميه.