مصر هي امي

من غير تكلف في الكلام تعالوا نتكلم مع بعض عن حالنا كمصريين
بص يا سيدي ....
انا عارفه انك هتبص بصة فيها انتقام من شخص .....
بص شوف انت عايش ازاي مستريح بتنام وانت بالك رايق نفسيتك مستريحه راضي على اللي بيحصل اليومين دول في البلد دي؟؟؟؟

اكيد بالك بيدور في كم مشكله كبيرة ونفسك تقول اللي في صدرك ..

بص احنا هنقول وهنقول بص اصبر عليا.

احنا هنتكلم الاول عالجوع اللي منتشر اوي اوي اليومين دول والغلا
احنا دلوقتي عايشين في مئساة بص على اللي حواليك وقولوا انت بتشتكي من ايه هيقولك العيال طلابتهم زادت والدنيا مولعه وكل حاجه بتغلى والمرتب ثابت مبيتحركش
انا والله بكلم معاكوا وانا مضايقه اوي بسبب اللي باشوفوا الايام دي
ايه ده ايه ده !!!!!!

الدنيا مولعه ...

ازازة الزيت ولعت العيش غلي وصغر الدقيق ولع وكل حاجه
الواحد مش لاقي ياكل العيش يعني بلاش نقول ياكل لقمه عدله ..

لا العيش ولع اللي هو اساس حياة الغلابه
انا مش عارف ايه الي افترا ده الناس خلاص جابت اخرها حراام على الحكومه الزباله دي
ده احنا ولا اكننا زي بتوع السودان
سودان مين..؟ ده السودان دلوقتي بقى الجنية من عندها باربعه من عندنا
يعني مصر خلاص كلها كم سنه وهتبقى في الباي باي
ده حاجه غلب والله
بس انا بحمل الشعب نص الحمل لانه شعب سلبي برده
ميعرفوش يعتصموا ويقوموا قومة راجل واحد
والستات تتحد مع بعضها
ويعترضوا على اللي بيحصل ده
بس ده مش هيحصل دلوقتي لان في نص مصر ضاع لما النص التاني برده يضيع هيبقوا يقوموا
ويحوطوا ايديهم في ايد بعض زي الرجاله الحلويين
ده انا يا اخي كل ما قول للناس متعرفوش تقوموا وتتكلموا وتعترضو وتعتصموا ومتسكتوش الا لما ينفزلكوا اللي انتوا عايزينه
يقوموا قيلين يا ستي يعني هما هيعملوا حاجه واحنا لو اكلمنا هيدربونا بالنار...
وانا بقول لكل واحد ده اخرة اللي يقول كده هيتاخد على قفاه وهيموت من الجوع وعيالوا هيموتوا ادامه .
احنا باين علينا هنسيب الموضوع ده نشوف ايه اخرته مع الناس دي

مع مرور الزمن اكيد هنلاقي حل بعد ما هيبقى مفيش بلد اسمها مصر
وهيكونوا اللي فيها ماتوا من الجوع .

اسماعيلية الاوربيه

النهارده كان في حتة يوم في اسماعيليه كان دمار دماااار
والناس كلهم مناموش النهارده وكانوا عايشين في قلق ورعب
والي كان برة البيت ده كان يوم اسود بالنزباله بسبب ........

المطر الجامد اوي مطر ايه؟ ده كان سيييل شديد وكان في تلج في المطر
والرعد والبرق كان اصعب حاجه؟

والمحلات اتبهدلت والبيوت من شدة الرعد والبرق كانت المراوح اللي في البيوت والنجف والبراويز بتتحرك
وكانت الشوارع مليانه مايه والمحلات

وكان يوم اسود على اللي بتعمل شعرها رجعت البيت بدل ما كانت انجولينا جولي رجعت سوكه العبيطه وكان يوم اخبر على اللي كان مسافر زيي كده
وكان منظر البرق والرعد يرعب لدرجة اني كنت بتشاهد على روحي انا وبابا .
كل ده حصل اسفجاة كده من غير اي مؤشرات
بس بالرغم من كل ده انا كنت حاسه ان نزول المطر ده خيركبير لينا.
واصعب لحظه حصليتلي ساعة اول برق ورعد حصلوا على الطريق بين بورسعيد واسماعيليه .
كنت حاسه اني كنت بين الحيا والموت ولحظة انك تتشاهد على روحك دي وانت عارف ان ممكن في اي لحظه البرق ينزل عليك يموتك

دي اثرت فيا جامد اوي وان شاء الله تخليني للاحسن .
بس بجد بجد كان يوم صعب جدا جدا علينا
واسماعيليه اتقلبت لاوروبا وان شاء الله هتبقى اسمها اسماعيلية الاوروبيه.